🍴طريقة حلوة و بسيطة لمكس البطاطس و الكوسا في الفرن، هينقلك لأجواء الريف الجميلة، هي حاجة طعمة كدة زي اليخني بس بالصوص الأبيض.
🥄المقادير:
- 6 حبات بطاطس مقطعة شرائح رفيعة.
- 3 كوسة و مقطعة أيضاً شرائح رفيعة.
- جبنة موزريلا، أو نوع أو مكس جبن بتحبوه.
- 4\3 كوب دقيق.
- 1 ملعقة كاري.
- نص ملعقة جوزة الطيب.
- 1 ملعقة فلفل أسود \ أبيض .
- 2 ملاعق ملح.
- 3 ملاعق كبيرة زيت.
- 500 مل حليب جوز الهند، ولو مفيش حليب عادي.
- 500 مل شوربة (دجاج او لحمة أو مرقة).
- 1 بصلة مقطعة لمكعبات.
- 2 فص ثوم مفروم.
🥣 الطريقة:
- الخطوة 1
سخني الفرن على درجة 180.
- الخطوة 2
إدهني قالب البايركس أو صينية أو طاجن عندك بالسمنة عل خفيف، رصي شرايح الكوسا و البطاطس بالتناوب.
- الخطوة 3
في قدر تاني شويحي البصل مع الثوم في الزيت، ونقومي بنشلهم على طبق خارجي.
- الخطوة 4
في نفس القدر ضعي الحليب والشوربة على نار هادية، وزودي عليهم الدقيق بهدوء لحد ما القوامم يتماسك.
- الخطوة 5
بعد ذلك أضيفي جميع البهارات من الكاري + جوزة الطيب + الملح والفلفل الأسود، والبصل و الثوم المشوحين على الصوص الأبيض الجميل ده.
- الخطوة 6
قومي بالتقليب على نار هادية لحد ما يتكون مزيج متماسك زي كريمة الباشميل كدة.
- الخطوة 7
ثم اسكبي الصوص على رصة الكوسا و البطاطس + رشة الجبنة من فوق، ولو حابة تزودي إضافات زي شرائح الطماطم أو فلفل براحتك.
- الخطوة 8
ضعي الصينية في الفرن لمدة 45 - 60 دقيقة لحين النضج.
✅ وتقدم ساخنة.
🍴 وصحتين وعافية على قلبكم.😍
معلومات في السريع:
- حيل سهلة و سحرية لتنظيف الصواني بسهولة على يديك:
الخل + باكينج الصودا، إخلطيهم سوا مع بعض ونظفي الصينية من العوالق بسهولة ويسر.
- إستخدمي:
10 ملاعق كبيرة من باكينج صودا + 3 ملاعق كبيرة من الخل الأبيض + 4 ملاعق كبيرة من الماء الساخن في وعاء، وقلبي كويس بحيث يكون قوامهم كريمي وسهل معاكي.
- إغلي ماء وإغمري به الصينية مع بعض القطرات من الصابون السائل، وإتركيهم لمدة 4 ساعات أو أكثر، وهتلاقي سهولة في إزالة الدهون الصعبة.
إرسال تعليق