بسكويت البطاطس
اسم غريب مش كدة؟! بس طعمه أكيد لا يقاوم.😋
وصفة سهلة وجديدة مع المقادير والخطوات لعمل بسكويت مملح مع البطاطس المهروسة ونتائج ولا أروع، هتعجبكم أكيد.
🥄المقادير:
- 2 كوب دقيق.
- 1 كوباية بطاطس مسلوقة و مهروسة.
- نصف كوباية حليب.
- 1 كوباية زبدة.
- رشة ملح.
- فلفل أسود.
- رشة قرفة.
- باكيت باكينج باودر.
- جبنة موتزريلا، أو أي مكس جبن بتحبوه.
- زيتون وشرائح دجاج أو سجق أو سوسيس، أي إضافات بتحبوها.💖
🥣الطريقة:
- الخطوة 1
إخلطي الدقيق مع القرفة + رشة الملح والفلفل الأسود + الباكينج باودر، وقلبيهم سوا كويس، بعدين حطي الزبدة عليهم و إعجني بمزاج.
- الخطوة 2
حطي الحليب و البطاطس عليهم و إعودي إخلطي لحد ما يكون خليط متماسك، وإفردي العجينة على أي سطح عندك و رشي عليه دقيق وقطعيها لدواير.
- الخطوة 3
إدهني بلمسة من الحليب سطح الدواير، ورصيهم في صينية مدهونة بالزيت على خفيف.
- الخطوة 4
اللمسة الأخيرة، إنثري الجبنة و المكونات ال حابة تزوديها على سطح كل دايرة، وحطيها في فرن متوسط الحرارة لمدة ربع ساعة (15 دقيقة).
✅ وقدميها سخنة.
🍴 وصحتين وعافية على قلبكم.😍
معلومات في السريع:
- البطاطس كانت تعتبر العنصر الأساسي في وجبة الشعب الإيرلندي.
- تعتبر البطاطس من النباتات البرية و أصلها من أمريكا الجنوبية، وهي تنتمي لعائلة الطماطم والتبغ.
- الناس في أوروبا كانوا بيفتكروا ان البطاطس نبات زينة غريب!
- أكثر الدول منتجة للبطاطس الهند والصين.
- يمكن إستخدام البطاطس كمخففة لألم حروق الجلد.
- البطاطس يدخل في تكوينها نسبة الماء إلى 80% و مواد صلبة 20%.
- تحتل البطاطس المركز الرابع من حيث إنتاج المواد الغذائية، من بعد القمح و الذرة و الأرز.
- البطاطس لو فضلت مدة طويلة في الظلام، قد تصبح مسمومة، إحذروا!
- تم إدخال البطاطس إلى أوروبا عبر الفتح الإسباني.
إرسال تعليق